अमेरिकामा भएका सयौ नेपाली कलाकारहरु मध्यका एक हुन गायक प्रनिम राई। उनको दैनिकी निरन्तर काममा बित्छ तर गीत संगीतमा ठुलो लगाव भएको कारण आफ्नो फुर्सदको समयमा गीत संगीत साधनामा बिताउछ्न । आफुले कमाएको धन बाट नेपाली गीत संगीतमा लगानी गरि नेपाली कला र संगीतको क्षेत्र बिस्तारमा सहयोग पुर्याउदै आएका छ्न।

गायक राईले यसअघि ‘ फुलेर फुल ‘ ‘ अरुले भन्दा ‘ ‘ तिम्रो हातमा ‘ जस्ता गीतहरु सार्वजनिक गरिसकेका छ्न। केही दिन अघि उनको नयाँ म्युजिक भिडियो ‘ सुनसान रातमा ‘ सार्वजनिक भएको छ। सेन्टिमेन्टल पप भर्सनको ‘ सुनसान रातमा ‘ बोलको गीतमा शब्द र संगीत अम्बर तुम्बापो सुब्बाको रहेको छ भने स्वर प्रनिम राईको रहेको छ। गीतको एरेन्ज्मेन्ट मोहित मुनालले गरेका हुन।

यस गीतको भिडियोमा प्रियंका कार्की , निराजन प्रधान र बालकलाकार आर्सिनाको अभिनय रहेको छ। नवराज उप्रेतीले छायांकन गरेको भिडियोलाई नवीन निरौलाले सम्पादन गरेका हुन । गम्भीर बिस्टको निर्देशनमा गीतको भिडियो तयार पारिएको हो।

Comments